‹‹እልፍ ቅርንጫፍ በሁሉ ደጃፍ››

ሕብረት ባንክ አ.ማ. የወኪል የባንክ አገልግሎት ለመስጠት በብሔራዊ ባንክ በኩል የተቀመጡ አስፈላጊ የሆኑ ዝርዝር ቅድመ ሁኔታዎችን በሙሉ በማሟላት ከህዳር 22 ቀን 2007 ዓ.ም. ጀምሮ በሙከራ ደረጃ አገልግሎት ሲሰጥ መቆየቱ የሚታወስ ነው፡፡ ይህንን ተከትሎ በሙከራ ወቅት በባንኩ የተመዘገበውን አጥጋቢ ውጤት በቅርበት የቃኘው የኢትዮጵያ ብሔራዊ ባንክ አገልግሎቱን በይፋ ለመስጠት የሚያስችለውን ፍቃድ መጋቢት 22 ቀን 2007 ዓ.ም ለባንኩ ሰጥቷል፡፡

ባንካችን ይህን የባንክ አገልግሎት ለመስጠት ሲነሳ በዋናነት መሠረት ያደረገው በመደበኛ የባንኩ ቅርንጫፎች አገልግሎት ለማግኘት ተደራሽ ባልሆነባቸው አካባቢዎች የሚገኙ የተለያዩ የሕብረተሰብ ክፍሎችን ሲሆን፤ በዚህ መልኩ በተለያየ ቦታ ተሰባጥረው የሚገኙ ተጠቃሚዎችን ቀላልና አመቺ በሆነ ሁኔታ መሠረታዊ የሆኑ የባንክ አገልግሎት አይነቶች ተጠቃሚ እንዲሆኑ ለማስቻል በማሰብ ይህን አገልግሎት ለገበያ አቅርቧል፡፡

በዚህም መሠረት ባንካችን የሙከራ አገልግሎት ለመሥጠት ፍቃድ ካገኘበት ሕዳር 22 ቀን 2007 ዓ.ም. ጀምሮ በርካታ ተግባራት የተሰሩ ሲሆን፤ እስካሁንም ቁጥራቸው 85 የሚደርሱና በተለያየ የአገልግሎተ ዘርፍ ላይ የተሰማሩ ለአብነትም መድሃኒት ቤቶች# ካፌዎች# ሆቴሎች# ነዳጅ ማደያዎች# የልብስ መሸጫ መደብሮች# አስጎብኝ ድርጅቶች እና መሰል ተቋማት የባንካችን ወኪል በመሆን የሕብር ወኪል የባንክ አገልግሎት በመስጠት ላይ ይገኛሉ፡፡ ከነዚህም መካከል 70 የሚሆኑት ወኪል ድርጅቶች ከአዲስ አበባ ውጪ በተለያዩ ከተሞች የሚገኙ ሲሆን፤ 15 የሚሆኑት ደግሞ በአዲስ አበባ ውስጥ አገልግሎት በመስጠት ላይ ይገኛሉ፡፡

ሕብር ወኪል የባንክ አገልግሎትን በመጠቀም ሒሳብ መክፈት# ገንዘብ ገቢና ወጪ ማድረግ# ገንዘብ ማስተላለፍ# ገንዘብ ከኤም ዋሌት ወደ ባንክ ሒሳብ ወይም ከባንክ ወደ ኤም ዋሌት ሒሳብ ማስተላለፍ እንዲሁም ገንዘብ መላክና መቀበልን ጨምሮ ሌሎች አገልግሎቶች እየተሰጡ ይገኛል፡፡

በሕብር ወኪል የባንክ አገልግሎት የሚሠጡትን እንዚህን አገልግሎቶች ደንበኞች በሞባይል ስልካቸው በመጠቀምና ወደ *885#በመደወል ወይም በኢንተርኔት www.unitedagent.com.et በመጠቀም ገንዘብ ማስተላለፍን ጨምሮ ከሒሳባቸው ጋር ተያያዥነት ያላቸውን የተለያዩ መረጀዎች ማግኘት ይችላሉ፡፡

የሕብር ወኪል የባንክ አገልግሎት ደንበኞች ካለስጋት በአገልግሎቱ እንዲጠቀሙ የሚያስችላቸውን የደህንነት ሁኔታ ደረጃውን በጠበቀ መልኩ እንዲያካትት የተደረገ ሲሆን፤ ከዚህም ባሻገር ለደንበኞች አጠቃቀም እጅግ ቀላልና አመቺ እንዲሆን ተደርጓል፡፡ በተጨማሪም ደንበኞች በአገልግሎት አሠጣጥ ዙሪያ ሊያነሱ የሚችሏቸውን የተለያዩ ጥያቄዎች በ995 ላይ በመደወል ፈጣን ምላሽ ማግኘት የሚችሉበትን አሰራር ዘርግቷል፡፡

 


 

እሁድ ጥር 3 ቀን 2ዐዐ7 ዓ.ም በእቴጌ ጣይቱ ሆቴል ቅጥር ግቢ ውስጥ ሚገኘው እቴጌ ጣይቱ ቅርንጫፋችን ላይ ባጋጠመን ድንገተኛ የእሳት አደጋ ምክንያት የደረሰውን ጉዳት ለመግለጽና ደንበኞችንም ከስጋት ነፃ እንዲሆኑ ግንዛቤ ለመስጠት የተሠጠ ጋዜጣዊ መግለጫ ነው፡፡

በዕለቱ በተከሰተዉ የእሣት አደጋ የአዲስ አበባ የእሣትና ድንገተኛ አደጋ መከላከል፣ የፌዴራል ፖሊስ፣ የአዲስ አበባ ፖሊስ ኮሚሽን፣ እንዲሁም የአካባቢው ህብረተሰብ ላደረጉልን እገዛና ትብብር ከፍተኛ ምሥጋናችንን እናቀርባለን፡፡

በተጨማሪም የሚዲያው ማህበረሰብ በተለይም የኢትዮጵያ ብሮድካስቲንግ፣ የሸገር 1ዐ2.1፣ ፋና ብሮድካስት ኮርፖሬት እና ሌሎችም በዕለቱ በቦታው በመገኘት ተገቢውን መረጃ ለአገልግሎታችን ተጠቃሚና ለማህበረሠቡ በማድረሳችሁ ከፍተኛ ምሥጋናችንን እናቀርባለን፡፡

እንደሚታወቀው ባንኩ ለረጅም ዓመታት የኮር ባንኪንግ ስርአትን በመጠቀም ያለምንም እንከን በሺዎች ለሚቆጠሩ በሁሉም ክልሎች ለሚገኙ ደንበኞቹ አገልግሎቱን ሲሰጥ የቆየ ሲሆን፤ አሁን ባጋጠመው ድንገተኛ አደጋ የእቴጌ ጣይቱ ቅርንጫፋችን ለተወሰነ ጊዜ አገልግሎቱ የሚቋረጥ ቢሆንም ደንበኞች ሌሎቹን 107 ቅርንጫፎቻችንን በአማራጭነት መጠቀም የሚችሉ መሆኑን እናረጋግጥላችኋለን፡፡

ባንካችን እ.ኤ.አ. ከ2ዐዐ6 ጀምሮ ሁሉንም ቅርንጫፎቹን በመረጃ መረብ ያስተሳሰረ ሲሆን በቅርቡም ይህን አገልግሎት ወደላቀ የቴክኖሎጂ አቅም ማለትም በዓለም ታዋቂ የሆኑት  ሲቲ ባንክን የመሳሰሉ ባንኮች ወደሚገለገሉበት ፍሌክስ ኪዊብ 12.ዐ1 ቨርዥን ከአመት በፊት በማሳደግ ለደንበኞች የተቀላጠፈ አገልግሎት በመስጠት ላይ ይገኛል፡፡  ይህም በመሆኑ እሳት አደጋ የደረሰበት የእቴጌ ጣይቱ ቅርንጫፋችን ደንበኞች የሂሣብ መረጃ ሙሉ በሙሉ ዋናዉ መስሪያቤት በሚገኝ በመረጃ ቋታችን (data center) ያለ በመሆኑ በአገልግሎታችን ላይ ምንም ዓይነት አሉታዊ ተፅዕኖ አያደርስም፤ ደንበኞቻችንም ቅርንጫፎቻችንን ጨምሮ በሌሎቹም የአገልግሎት መስጫ መንገዶቻችን ማለትም በሞባይል፣ በኢንተርኔት፣ በኤቲኤም እና በሌሎቹም የተለመደዉን ጥራት ያለዉ አገልግሎት እያገኙ መሆኑን እናሳውቃለን፡፡ እሳት ያልበገረውን ካዝና በግራይንደር በመቁረጥ ገንዘቡ ወጥቶ ተቆጥሮ ከመዝገብ ጋር ተመሳክሮ ትክክለኛነቱ ተረጋግጧል፡፡  ከዚህ በተጨማሪ ቅርንጫፉ ሲገለገልባቸዉ የነበሩ ንብረቶች በሙሉ ኢንሹራንስ ቀድሞ የተገባላቸው በመሆኑ ይህ ጉዳት አሳዛኝ ቢሆንም ንብረቶቹ በቅርቡ የሚተኩ መሆኑን እየገለፅን፤ በእዚህ አጋጣሚ ውድ ደንበኞቻችንና ከጐናችን የቆማችሁ ሁሉ ለሰጣችሁን ድጋፍ እጅግ እናመሰግናለን፡፡

 ደንበኞቻችን ለሚኖራችሁ ተያያዥ ጥያቄዎች የቅርንጫፉን ስራ አስኪያጅ በስልክ ቁጥር 0911636522 ማግኘት የምትችሉ መሆኑን በትህትና እንገልጻልን፡፡

 

ሕብረት ባንክ አ.ማ.

                                                                                                         ጥር 4 ቀን 2ዐዐ7 ዓ.ም.

ሕብረት ባንክ አ.ማ. ታህሳስ 21 ቀን 2007 ዓ.ም. በአዲስ አበባ ሒልተን ሆቴል ባከናወነው ‹‹የወጪ ንግድ ደንበኞች ቀን›› ላይ በወጪ ንግድ ዘርፍ ከባንኩ ጋር ለሠሩና አይነተኛ ሚና ለተጫወቱ ደንበኞቹ የዋንጫና የምስክር ወረቀት ሽልማት ሰጠ፡፡

Read more...

The 16th Annual Meeting of Shareholders of United Bank S.C. was conducted at the Hilton Addis Abeba on November 13, 2014.

Read more...

United Bank received an approval to pilot launch the delivery of Agent Banking Service fulfilling the criteria set by the National Bank of Ethiopia including the preparation of business plans, operational policy and procedure manuals as well as risk management policy and procedures.

Read more...